رد المنتج والممثل هشام جمال لأول مرة على شائعات انفصاله عن الفنانة ليلى زاهر، والتي راجت بسبب غيابه المستمر عن الظهور معها في المناسبات الفنية والرسمية.
“نص خبر” – عمرو يوسف
هشام جمال برر غيابه عن الظهور برفقة خطيبته ليلى زاهر بانشغاله الشديد بارتباطات العمل، وأضاف عبر حسابه على إنستغرام: السبب إني مقدرتش أحضر مع ليلى كل المناسبات آخر فترة إن الاستاذة ليلى ما شاء الله، في اخر شهرين أخدت 6 جوايز كأفضل ممثله شابه في رمضان 2024، عن دور نسمه الكاريزما في مسلسل أعلى نسبة مشاهدة وللأسف مكنتش بقدر اكون معاها في كل الحفلات اللي بتتكرم فيها لارتباطات شغلي.
عرض هذا المنشور على Instagram
وتابع: الف مبروووك يا حبيبتي وهفضل اقولك انتي لسه سنك صغير أوووي وعدد الاعمال اللي شاركتي فيها تتعد على الإيد الواحدة وقدامك مستقبل كبير إن شاء الله يكون كله شغل ناجح ومحترم، دعواتكم ربنا يتتملنا بخير، وشطورة يا لولو.
وردت عليه ليلى زاهر قائلة: أنا محظوظة جداً إنك في حياتي، وجودك لوحده بيخلي كل حاجة احلي، شكرًا على كل حاجة، على دعمك وحبك اللي معرفش من غيرهم الواحد يعمل ايه.