آيتن عامر بالفيديو: الترويج لأعمالنا الفنية لا يعني نسيان غزة
21 نوفمبر 2023
القاهرة – عمرو يوسف
رفضت الفنانة آيتن عامر حملة الهجوم التي تعرضت لها بعد الترويج لأعمالها الفنية المقبلة، مؤكدة أن اتهامها وغيرها من نجوم الفن بنسيان ما يحدث في غزة من جرائم بحق الأطفال غير صحيح، وقالت إنها استغلت كل منصاتها على مواقع التواصل الاجتماعي للدفاع عن فلسطين، وتعرضت لتهديدات بغلق حساباتها الموثقة.
وقالت آيتن عامر في فيديو تمه نشره عبر حسابها على موقع انستغرام: «السلام ورحمة الله وبركاته يارب تكونوا بخير، انا طالعه عشان أقولكم حاجة صغيرة كده ويارب يستوعبوها وتفهمنونا كويس انا هتكلم عن نفسي من عن حد، أنا اسمي أيتن عامر ممثلة مصرية، اللي عايزه اقوله اننا مش بنعمل دعاية لشغلنا يعني احنا كدا نسينا القضية الأساسية وانا بقالي شهر ونص من أول الكارثة دي حصلت مش بعمل حاجة غير اني اعلن عن اللي بيحصل هناك والاكونت بتاعي كان هيتقفل بسبب الحاجات اللي بنشرها طول الوقتي،»
عرض هذا المنشور على Instagram
وأضافت :«وبندعمها بكل ما اوتينا من قوة،بيصعب عليا اوي لما بشوف حد مني أو من زملائنا بيعرض عن شغله والناس بتهجومه وبتعمل انفولو للصفحة بتاعته، كلنا متأثرين بس ردود افعالكم مش عارف ليه غريبه شوية، ده شغلنا وطبيعة شغلنا طب انتوا ليه بتجمونا لما بنعلن عن شغلنا أو لما بنمارس شغلنا، انا مش شايفه أن ده سبب منطقى خالص»
وواصلت قائلة :«احنا ممكن نهاجم حد مش متابع القضية أو مش شايل هم القضية، لكن نهاجم شخص بيتكلم عن القضية وبيساندها، طب ليه بنهاجمة ليه تقول كلام مش لطيف، مقدرش أقول لحد متروحش شغلك أو متعملش واجباتك وعقودك، بس اقدر اقوله ليه متكلمتش وكمان دي مقدرش اقوله لان ده حرية شخصية، ليه واخدين موقف من الفنانين، وصعبان عليا اللي بيحصل من عائلتي الكبير، استوعبوا أن الاعلان عن اعمالنا ده شغلنا وجزء من عقودنا في العمل، كفاية كفاية هجوم، ومحدش يزايد على حد، وكل واحد فيه اللي مكفيه».
وعلقت آيتن علي الفيديو قائلة: بلاش نزايد على بعض من فضلكوا ، أنا بقالى شهر و نص مبنزلش حاجة على الاكاونت غير لدعم القضية . و عندى فيلم فى السينما نزلتله بوست لقيت هجوم مش طبيعي ، من فضلكوا افهموا ان دة شغلنا زى ما كلكوا بتمارسوا شغلكوا عادى و بلاش نزايد على بعض من فضلكوا.