أحمد سعد عن انتقادات سمية الخشاب: من جمهوري وتبحث عن مصلحتي

22 يونيو 2023

القاهرة- عمرو يوسف

رد الفنان أحمد سعد لأول مرة على التعليقات السلبية المتكررة من طليقته الفنانة سمية الخشاب، وبخاصة سخريتها من اطلالته الشفافة في حفله الأخير بمدينة جدة، وقال على هامش حضوره حفل توزيع جوائز ميدل إيست ميوزك أورد MEMA في مدينة العلمين الجديدة: سمية الخشاب تقول اللي هي عايزاه، وكل واحد يقول اللي هو عايزه وهما كلهم جمهوري وكلهم ناس عايزين مصلحتي.

وتابع قائلا: إنها ترقص على أغنيتي أكيد هي بتحب تشجعني دايمًا وأكيد بتحب لي الخير وإني أكون ناجح، وأكيد الناس مش عايزة تصطاد ليا الأخطاء، كلهم عايزنّي أبقى أحسن وبقيت بالفعل.

وتحدث أحمد سعد عن زوجته علياء بسيوني، بعد انتشار شائعات انفصالهما مؤخرا قائلًا: طبعًا هي السر الأكبر والأعظم في نجاحي وربنا يخليها ليا ويخلي ليا بنتي علشان بنتي مهمة جدًا.

كما علق الفنان أحمد سعد على الانتقادت التي طالته بسبب إطلالته الشفافة في حفله بمدينة جدة في المملكة العربية السعودية، قائلًا: أنا بشكر كل الناس اللي هاجمتني، لأنهم شايفين إني فرد من أسرتهم وواحد منهم ومارضيوش عليا كده إني ألبس حاجة وحشة، حسيت إني جوا كل بيت وجوا كل أسرة، مش هظهر كده تاني، ولو في حاجة شبك هخيطها أنا على إيدي.

وأردف أحمد سعد: الناس شايفنِّي في حتة تانية وجوا بيوتهم وأسرتهم، ياما ناس لبست كده ولبست حاجات تانية، ولكن أنا فعلًا مش الناس اللي بتصر على الحاجات الغلط، وبطلع أقول أنا غلط طالما معجبهمش.