أصالة: تقدم ألبومها الجديد باللهجة المصرية “لحقت نفسي”

25 سبتمبر 2023

القاهرة – عمرو يوسف

كشفت النجمة السورية أصالة التفاصيل الأولى عن ألبومها الجديد “لحقت نفسي” المقرر طرحه باللهجة المصرية مطلع شهر أكتوبر المقبل، ويضم 12 أغنية مؤكدة أنها ستطرح في البداية 6 أغنيات تنتمي لتصنيف متقارب في الكلمات والألحان، وبعدها ستقدم 6 أغنيات أخرى بطريقة مختلفة.

أصالة نشرت البوستر الأول للألبوم عبر كل منصاتها على مواقع التواصل الاجتماعي، قائلة: “بقدّملكم لكم كلّ الاوقات الحلوه المليانه محبّه وصحبه وعمل دؤوب لإنجاز مشاهد منّ مواقف من مشاعر”.

بقدّملكم لكم كلّ الاوقات الحلوه المليانه محبّه وصحبه وعمل دؤوب لإنجاز مشاهد منّ مواقف من مشاعر ..أغاني بتحكي عنّي وبتحكي عنكم .. عشنا أنا وحبيبي شريكي وصديق الرّوح فايق أيّام طويله بأماكن كتيره لنرسم كلّ صوره وكيف لازم تطلع بأحلى وأطيب مايمكن.. بدًي أشكر كلً صديق عزيز موجود إسمه… pic.twitter.com/aqeamJdeIY

— Assala (@AssalaOfficial) September 24, 2023

تابعت أصالة: “أغاني بتحكي عنّي وبتحكي عنكم .. عشنا أنا وحبيبي شريكي وصديق الرّوح فايق أيّام طويله بأماكن كتيره لنرسم كلّ صوره وكيف لازم تطلع بأحلى وأطيب ما يمكن”؟
وواصلت قائلة: “بدًي أشكر كلً صديق عزيز موجود إسمه بالأغاني الستّه اللي رح تسمعوها وبعد وقت قليل رح أتبعهم بستّ أغاني بتقديم مختلف”.
وأضافت: “وشكرا لاخي وسندي انوس وفريق كبير معه بيساندني وبيفكًر لي ..وشركة كبيرة مجتهده رائده بالموسيقى وكتير منّ باقي الفنون بيتي الحنون (روتانا ) وكل اللي فيها يشتغلوا بحب وبتحسّ إنهم ولاد الشّركه الكبار ..وادارة اعمالي صديقي طوني سمعان موجود معي بكلّ صغيره وكبيره وكلّ عيلتي اللي رأيهم بيهمني وكل اصحابي الّلي برّروا غيابي وقدّ مااشتاقوا لي اشتقت”.
وواصلت أصالة:” الموسيقى وطن رح ننضمّ إله أنتوا وأنا لنسمع نفس الحكايه بذات الوقت .. ما بخفيكم خايفه وكأنًي أوًل مرّه رح قدّم لكم أغاني .. كتير تعلّقت بكل أغنيه غنّيتها ويمكن فيه أغاني عدتهم أكتر من عشر مرّات وبكلّ مرّه كنت عم دوّر على ستّ أنا بعرفها والقصّه قصّتها وعندا شخصيّه ضروري تكون حلوه والجمال اللي بشوفه فيها بتمنى تشوفوه متلي بتمنّى الأغاني تخلّلي أوقاتكم حلوه “.
واختتمت تقديمها لألبومها الجديد قائلة:” كلّ المحبّه وكلً الإمتنان على أيّام كتيره ساندتوني فيها وقوًيتوني وفيكم كبرت .. هلّأ أنا عم ردّ محبّتكم بمحبّه بموسيقى بإخلاص بالإبقاء عالإلتزام الّلي منّ خلاله بدينا سوا وكبرنا سوا وكلّنا محبّين الفن وأهله ..الّلي عمّ قدمه بطريقتي لوطني الغالي ( الموسيقى) هو أحلى وأغلى ماعندي بفضل الله..ورح أحكي تباعاً عنّ كلّ أغنيه على حدن .. حبايبي راح يكون باول اكتوبر بين إيديكم بعض منّ روحي على شكل أغاني ومتل ما بدينا مكملين”.