تامر عاشور: أنغام “صوت مصر” لأنها ملتزمة

17 يونيو 2023

القاهرة_عمرو يوسف

أكد المطرب والملحن تامر عاشور أن النجمة أنغام الأحق بلقب “صوت مصر”، وأشار إلى أنها الأكثر ترجيحا بسبب “التزامها” في إشارة لأزمات منافستها المباشرة على اللقب الفنانة شيرين عبد الوهاب.

وأضاف في لقائه مع الإعلامية أسما إبراهيم في برنامج «حبر سري» على قناة القاهرة والناس:«عندنا في مصر أصوات كتير جدًا حلوة لكن إحنا بنفتقد شوية لإيه اللي حوالين الفن، إنت بتعمل إيه في حياتك غير إنك تطلع تغني؟ أعتقد إن ده 70 في المئة من حياة الفنان، بتحترم مواعيدك، كلامك، جمهورك، طريقتك، مش كل حاجة تعرض على الجمهور، وشيرين أكتر صوت جبار في الوطن العربي لكن أنغام ملتزمة أوي».

وأردف: «الالتزام أهم، محدش حيحبك وإنت مش ملتزم، لو لي مشاكل مع طوب الأرض محدش هيسمعني، وشيرين أما بتقدم حفلة بتكسر الدنيا هي وكل الفنانين، وأنا شغال معاها في الألبوم اللي جاي ومقدم لها لحن في الألبوم اللي جاي.. وهي من منطقتي».

واستطرد: «من تفوز بلقب صوت مصر؟.. أعتقد أنها أنغام لأنها ملتزمة».