داليا البحيري تسقط على خشبة مسرحية “سيدتي أنا”
20 أغسطس 2023
القاهرة-عمرو يوسف
كشفت الفنانة داليا البحيري عن إصابتها بتمزق، أثناء عرضها مسرحية سيدتي أنا، واضطرت لاستكمال العرض رغم اصابتها، وتوجهت بعد إسدال الستار إلى قسم الطواريء لتكتشف حدوث تمزق وتحك لأعظمة من مكانها.
وكتبت داليا البحيري عبر حسابها الرسمي بموقع تبادل الصور والفيديوهات القصيرة انستغرام: حادثة صغيرة على ماقسم كده اختل توازني على المسرح ووقعت واقعة جامدة حبيتين.. نزلت بكل حملي على إيدي وحسيت برجة جامدة في دماغي.. وجع رهيب إيدي ورمت قلت بس أنا اتكسرت كملت العرض الحمد لله وطلعت على الطوارئ هوب إشاعة هوب الحمد لله مفيش كسر بس في مزق في وتر الإبهام أدى إلى أن العضمة اتحركت من مكانها يا ختي.
View this post on Instagram
وتابعت: فكل ده تمام وألف حمد وألف شكر إنها بتيجي على قد كده.. المشكلة بقى يا جماعة في إني اكتشفت إني مش عارفة اعمل أي حاجة بمعني أي حاجة من غير الصباع ده.. لا عارفة البس ولا اقلع ولا افتح ازازة المايه مش عارفة اشيل حاجة مش عارفة افتح باب العربية ومش عارفة أسرح شعري ولا أغسل وشي ولا أي حاجة.. وكمان مش عارفة اعمل scroll مش عارفة اعمل like.. آه والله الـ Like بتوجعني جدا.. بس برضو الحمد لله دائمًا وأبدًا.. ما يقع إلا الشاطر.
يذكر أن مسرحية سيدتي أنا، يشارك فيها عدد من الفنانين منهم داليا البحيري، ونضال الشافعي، وفريد النقراشي، وعدد من الفنانين، ورؤية وإخراج محسن رزق.