درة: أخاف من البشر أكثر من العفاريت
29 يوليو 2023
القاهرة – عمرو يوسف
كشفت النجمة التونسية درة، عن خوفها من مواجهة الإنسان الشرير، أكثر من خوفها من الجن والعفاريت، أضافت خلال استضافتها في الحلقة ال 14 من الموسم الثاني لبرنامج “في البوكس” إنها كنت تخاف أثناء طفولتها من أي ضل تراه، مشيرة إلى خوفها من الإنسان دائمًا، وأضافت: لا أخاف من العفاريت، ولن تكون أكثر شرًا من الإنسان، فهو أكثر شيء شرير”.
تابعت درة: أشعر بالذهول عندما أرى إنسان شرير، ولكن الشر يكون بداخله، فهو أكثر كائن مؤذي، ويستطيع الأذى أكثر من أي عفريت.
واستكملت مازحة: “في النهاية العفريت لن يؤذي على عكس الإنسان، فهو هدفه أن يُشعرك بالخوف فقط”.
وتحدثت درة عن رأيها في مؤسسة الزواج قائلة: درة “الجواز مينفعش يكون هدف حياة البنت ولو معملتش دا يبقى محققتش حاجة، بالعكس ممكن السنجل تكون مبسوطة وأنا عملت أغنية من زمان مع أبلة فاهيتا عشان أقول كدا، ومش لازم البنت تتجوز عشان تفرحوا بيها وممكن تفرحوا بنجاحها ودراستها.
وتابعت:”أنا بيحصلي أشياء كتير ومعرفش سببها يمكن قدر مش شرط حسد، وأنا معنديش كل حاجة عشان أتحسد وزي كل الناس مفيش سبب يخلي حد يحسدني”.
وقالت: “أنا نفسي أثق في نفسي أكتر ولكن الناس بتفتكر إني مغرورة، ودا سببه إني بتكسف وفي حالي وبتكسف أكلم حد وأي حد يعرفني في الحقيقة بيعرف إني مش مغرورة أبدا، وخجولة جدا وعمري ما بشتم ولا بضرب ولا باخد حقي وبيكون نفسي آخد حقي لأني أكيد هقدر”.