دينا الشربيني تكشف سراً عن تامر حسني: لا ينام في الكواليس

الاثنين 22 مايو 2023
عمرو يوسف- القاهرة
كشفت الفنانة دينا الشربيني، كواليس أول تعارف على المطرب تامر حسني، بعد موافقتها على بطولة فيلمه الجديد “تاج”، وقالت إنها أدركت فوراً مع بدء التعامل معه أنه “إنسان نظيف و”بيشتغل” من قلبه ومش بينام في الكواليس”.
وتابعت دينا الشربيني في لقائها مع برنامج كلام نواعم على قناة mbc : مبسوطة بالمشاركة في فيلم تاج مع تامر حسني، ومبسوطة بالعمل معاه، أنا كنت بحبه قبل ما اشتغل معاه، ولما اشتغلت معاه اكتشفت قد إيه هو إنسان طيب وجدع ونضيف، ومبسوطة بالمشاركة في الفيلم.
وواصلت قائلة: اللي بيتفرجوا على الفيلم مش هيعيطوا، وقولت له ازاي محدش عمل الموضوع ده؟، وبحب في تامر كمان أنه بيعمل الحاجة من قلبه، وهو لا ينام تقريبًا حرصاً على شغله.
وحرص تامر حسني، على الترحيب بدينا الشربيني، في أول يوم تصويرونشر مجموعة صور من الكواليس عبر حسابه الرسمي بموقع إنستغرام، وعلق قائلًا: النجمه الجميله دينا الشربيني نورتي فيلمك (تاج ) ويارب الفيلم يكمّل سلسلة نجاحاتك الكبيره اللي كسرتي بيها الدنيا ،ربنا يكرمك ويكرمنا معاكي.
وردت دينا الشربيني بنشر نفس الصور عبر صفحتها الرسمية بموقع الفيسبوك، وعلقت عليها قائلة: تامر.. مهما اتكلمت أو قلت مش هعرف اشرحلك انا سعيده اد ايه بكلامك ..انا كنت بحبك وبحترمك جدا على المستوى الفني.
وأضافت: دلوقتي لما عرفتك بحبك وبحترمك جدا على المستوى الشخصي.. ربنا يوفقك وينجحك اكتر واكتر وان شاء الله تاج يكسر الدنيا زى كل اعمالك علشان المجهود الجبار اللي انت عامله فيه اللي انا شخصيا شوفتوا بعينى.
ويضم فيلم تاج إلى جانب تامر حسني ودينا الشربيني كل من: هالة فاخر، المطربة ساندي، وعددا آخر من الفنانين، والعمل من تأليف تامر حسني وإخراج سارة وفيق، وتدور أحداثه في إطار العوالم الخارقة.