رانيا فريد شوقي في ذكرى ميلاد والدها: ساعات بحمد ربنا إن هو مش موجود

30 يوليو 2023

القاهرة – عمرو يوسف

تحدثت الفنانة رانيا فريد شوقي عن ذكرى ميلاد والدها الفنان الراحل فريد شوقي التي توافق اليوم الأحد 30 يوليو، قائلة: أنا بقول عليه دايمًا إنه مؤسسة.

وقالت رانيا فريد شوقي في مداخله هاتفية لـ برنامج الستات مايعرفوش يكدبوا: ساعات بحمد ربنا إن هو مش موجود، عشان ميشفش الحالة اللي موجودة حاليًا، لأن مفهومه عن الفن كان مختلف كان مفهومه لازم أخدم المجتمع وأقدم رسالة.

وأضافت رانيا فريد شوقي: السينما أكبر مما يحدث حاليًا هي مش أكشن بس، السينما يعني جعلوني مجرمًا وكلمة شرف وبالوالدين احسانا، وكان كاتب مسلسل روبابكيا وملحقش يعمله وقدم الدور الفنان فؤاد المهندس، وكان بيحضر فيلم هو ومحمد هنيدي وكان دايما عنده أفكار وكان عنده فيلم لأحمد زكي.

واستكملت رانيا حديثها: فريد شوقي قدم نجوم كتير ما بين إنتاج وإخراج وتأليف، وأنا بقول فريد شوقي مؤسسة.