سماح أنور تودع “السوشيال ميديا”: الجمهور سيراني في الأعمال الفنية فقط

12 يونيو 2023

القاهرة- عمرو يوسف

كشفت الفنانة سماح أنور، عن قرارها بالابتعاد عن مواقع التواصل الاجتماعي خلال الفترة المقبلة، وقالت إنها لن تعود لمشاركة جمهورها تفاصيل حياتها الشخصية كما كانت تفعل في السابق، مؤكدة أنها سوف تتواصل معهم من خلال أعمالها الفنية فقط.

شاركت سماح أنور، متابعيها مقطع فيديو عبر حسابها الشخصي بموقع الفيس بوك، قالت فيه: في ناس كتير بتسأل ليه مش بطلع لايفات زي الأول، الحقيقة أنا مش هكون فاضية خالص خلال الفترة المقبلة أعمل ده أو أتواصل بشكل شخصي مش يبقى متاح، ولكن هقدر أتواصل معاكم بالطريقة اللي متعودة عليها طوال حياتي وهي التواصل من خلال أعمالي.

ووجهت سماح أنور اعتذارا لجميع متابعيها عبر مواقع التواصل الاجتماعي، قائلة: بعتذر لكل الناس اللي منتظرة منى لايفات شخصية، ده مش هيكون موجود أو متاح أبدأ بعد كده لكن اللي هيكون متاح أخباري وأعمالي الفنية سواء كانت على ميديا التلفزيونية أو السينمائية أو من خلال ميديا بتاعت السوشيال ميديا، اللي هتابع معاكم فيها دائما اللي بعمله وبشاركم وأتمنى يكون بيرسم بسمة على وشكم، بحاجة لطيفة لمدة دقيقة أو دقيقتين، ودى أكتر وأحسن حاجة ممكن أقدمها وأتمنى ليكم كل الخير والسعادة.

اختتمت سماح أنور حديثها قائلة: إن شاء الله نتقابل دائمًا في أعمال فنية جديدة، يارب أن شاء الله تعجبكم وأتمنى ليكم كل الخير وكل السعادة لكل الناس ودائمًا نتقابل من خلال أعمالي وأنتظر آرائكم لأن من غير آرائكم منعرفش نستمتع بالفن اللي أحنا بنقدمه وبشكركم جدًا على كل شيء وعلى متابعتي بشكل شخصي لـ 3سنوات اللي فاتوا وأتمنى ليكم كل الخير والسعادة.