شريف منير يعلن طلاقه رسميا: كل شيء قسمة ونصيب

25 سبتمبر 2023

القاهرة – عمرو يوسف

أعلن الفنان شريف منير انفصاله عن زوجته الثانية لورا، أم ابنتيه كاميليا وفريدة، من خلال منشور عبر حسابه الشخصي على موقع إنستغرام، بعد عام كامل من الأزمات بينهما.

وكتب شريف منير: تم الطلاق بيني وبين السيدة لورا، كل شيء قسمة ونصيب، وأتمنى لها كل خير.

وسبق أن كشفت لورا عن وجود أزمة عائلية متصاعدة، بعدما وجهت رسالة قاسية لابنتيها فريدة وكاميليا، تعاتبهما على قرار تركها والانضمام لعائلة جديدة في أول تلميح لانفصالها عن شريف منير بعد زواج استمر 20 عاما، والمفاجأة في ردود الابنتين على الرسالة.

لورا نشرت عبر حسابها بموقع انستغرام مقطع فيديو يجمع ابنتيها مع والدهما وهم يتناولون الطعام في أحد المطاعم، وعلّقت قائلة: “رسالة إلى بناتي (فريدة وكاميليا).. بما إنكم خلاص قررتوا تبقوا مش في حياتي بعد ما اديتكم عمري وصحتي وحبي واهتمامي وضحيت عشانكم كتير!! وكل مدارسكم بمدرسينكم بدكاترتكم بأصحابكم بأمهات أصحابكم يشهدوا بإن أنا كنت أم عاملة إزاي!” بقولكم مبروك عليكم عيلتكم الجديدة!”.

وتابعت ‘ زوجة شريف منير قائلة:” و حقولكم حاجة واحدة بس ! اللي مالوش خير في أمه ملوش خير في حد!!بتمنالكم كل خير و صحة وإن ربنا يهديكم في يوم من الأيام!!بس ربنا موجود و كبير قادر علي اللي عمل فيكم كدة أنه يرده ليه في يوم من الأيام!!!مامي لورا يمكن تكونوا نسيتوا اسمي”.

وعلقت فريدة ابنة شريف منير، على رسالة والدتها ، قائلة: “ليه بتعملي كده؟ ليه بتخلي شكلنا كده قدام الناس؟، لترد عليها والدتها لورا عماد قائلة: إنتوا بتموتوني كل يوم وأنتِ عارفة كده كويس، ربنا يهديكي صحيح الزن على الودان أمر من السحر”.

أما عن كاميليا، فأنكرت ما قالته والدتها في رسالة العتاب، حيث علقت على الرسالة قائلة: “عمرنا ما بعدنا عنك، وغير كده أنا كنت لسه قاعدة معاكي امبارح ومكنتش عارفة إنك بتفكري في كده، وردت عليها والدتها قائلة: أنتم عارفين كويس أوي إني بشحتكم وبتهربوا مني، ربنا موجود ويهديكم من الزن اللي على ودانكم”.