الخميس 18 مايو 2023
عمرو يوسف- القاهرة
في أوّل ظهور تلفزيوني له بعد غياب عامين، قام الفنان عادل إمام بأول مداخلة هاتفية مع الإعلامي شريف عامر في برنامج “يحدث في مصر”، وكشف عن احتفاله بيوم ميلاده الـ 83 وسط مجموعة محدودة من رفاق رحلة الفن، من بينهم النجمة لبلبة، ومازح الزعيم عامر الذي بدا في حالة دهشة من مكالمته، خاصة وأن شائعات أكدت تدهور حالته الصحية وإصابته بمرض الالزهايمر.
وفاجأ عادل إمام، الإعلامي شريف عامر على الهواء مباشرةً، إذ قال: انت بتضحك ليه.. لسه قولنا حاجة، انت بتضحك ليه، مين ده.
وأعرب عامر عن سعادته الشديدة لمداخلة الزعيم عادل إمام ببرنامجه، قائلاً: هسكت خالص من الفرحة، وانت مش عارف قيمتك عند الناس إيه، وانت السبب في إني علمت بنتين من بناتي عربي، وكنت باخد إجازة علشان أروح أفلامك في السينما.
ورد إمام ممازحًأ: لا قولي انتى قيمتي عندكوا إيه، عايز تقولي إنك ابن ناس وبناتك ميعرفوش عربي.
وشهدت المكالمة مداخلة من النجمة يسرا قالت فيها: عادل إمام أساس حياتنا وضحكتنا وفننا، الراجل ده حقيقي مهما الواحد قال عنه أو شكره مش كفاية عن اللي قدمه.
وتابعت: في مشوار طويل مع الاستاذ عادل، والمشوار ده مليان كل المعاني اللي في الدنيا، ويارب يديله الصحة ويفضل يسعدنا كده على طول.
وأردفت: عادل إمام جماله إنه مؤسسة، وبيعرف يتعامل مع رجل غلبان ومع الملوك والرؤساء، كل نمط في الحياة يجيد التعامل معاه، وهو مثقف ثقافة مخيفة، ويستعمل ثقافته في فنه بشكل خلاق جدًا.
واستطردت: ذكاءه خارق وبيعرف يقيم اللي قدامه، وهو خجول جدًا بشكل لا أحد يتصوره، بيتكسف بجد أمام عبارات الشكر والثناء، هو شخصية مش هتكرر في تاريخ تاني.
