ليلى علوي لن تعود للدراما .. أنا زهقت من مسلسلات ال 30 حلقة
19 يونيو 2023
القاهرة – عمرو يوسف
أكدت ليلى علوي ابتعادها عن تقديم أعمال درامية جديدة طوال العام الجاري، وأشارت إلى تمسكها بتقديم أفلام سينمائية فقط، ولفتت إلى أن فكرة تقديم مسلسل من 30 حلقة صارت مرهقة جدا، وقالت إنها لو عثرت على نص درامي جيد، فستقدمه في 10 حلقات كحد أقصى.
ليلى علوي قررت متشتغلش مسلسلات السنة دي.. اعرف السبب
#كلمة_أخيرة@LailaEloui pic.twitter.com/xu91uACKyI— كلمة أخيرة مع لميس الحديدي (@KelmaAkhira) June 18, 2023
وأضافت في لقائها مع الإعلامية لميس الحديدي في برنامج كلمة أخيرة على قناة on e :«قررت السنة دي مشتغلش دراما وتبقى سينما بس، ملقتش النص اللي يجذبني، يوم ما ألاقي ورق حلو هو ده اللي بيشدك، فيمكن أنا متوفقتش في النص، وبعدين حاسة إن الفيلم مريح عن الدراما».
وتابعت قائلة:«بصراحة مش عايزة الثلاثين حلقة خالص، وأنا بقول الكلام ده من زمان جدًا، وفي 2009 عملت 15 حلقة و15 حلقة، وكانوا ناجحين جدًا، وعملت مسلسل خمس حلقات، وأنا زهقت من 30 حلقة».
وواصلت: «إحنا بنتعب أوي فعلاً، وفيه مشروع دلوقتي في النقابة أن ساعات العمل تبقى 12 ساعة، وإحنا بنشتغل بذمة أوي، وبنشتغل ساعات 18 و20 ساعة، وفيه عناصر في العمل بتشتغل بالأربعة وعشرين ساعة، وبنعيط من التعب والإجهاد وإن إحنا عايزين نقدم أفضل حاجة عشان نطلع حاجة كويسة، وفي رمضان بنبقى مزنوقين بجد لأن مبنشتغلش من بدري ودي مشكلة».