محمد رمضان: أنا صاحب أعلى أجر بين المطربين العرب

10 يونيو 2023

القاهرة- عمرو يوسف

أكد الفنان محمد رمضان أنه صاحب أعلى أجر من بين كل المطربين العرب، لافتا إلى أنه يتقاضى ضعف ما يتقاضاه المطرب الذي يليه بالقائمة، وبرر ارتفاع أجره بأنه يقدم مجهودا في “صناعة الترفيه” ويتعامل مع حفلاته الغنائية باعتبارها عروضا مسرحية تمتزج فيه صناعة الموسيقى مع الاستعراض مع فنون الابهار.

وأضاف في لقاءه مع الإعلامي معتز الدمرداش في الجزء الثاني من حلقته في برنامج ضيفي مع معتز الدمرداش على قناة الشرق الإخبارية: أنا مش بضع المايك تحت ذراعي وأقول السقفة معانا، أنا مبعملش ده، وهو ده اللي بيميز حفلاتي وبيخليني أغلى مغني في الوطن العربي، فالمغني المصري اللي أجره تحت أجري بياخد 50 في المئة من أجري

وتابع: قسم الملابس جزء مهم جدًا في صناعة السينما أو الدراما أو المسرح لا يستهان به، بتعامل مع حفلاتي مثل المسرح فهي عرض ترفيه، الاضاءة بيتم استخدامها بوعي، حسب كل أغنية، فأغنية مافيا لها انترو، والعربية بتطلع بشكل معين، والكشافات اللي بتنور فقط ثم النور الازرق بيفتح براحة، صوت الأوكرة موجود في كل السماعات، صوت خطوات رجلي، فحفلاتي عرض ترفيه.

وواصل قائلا: فيه دليل أو شئ بقدمه يستحق ده، مش فكرة أن ده أجري مش عافية وخلاص، حفلتي بتطلب مجهود أخر، والجمهور بيخرج مستمتع وبيخرج عينيه مرتاحة وشاف شئ جميل وجديد مع الأغاني اللي حافظها، الفضل في ده يرجع لربنا وللممثل وخبرتي في المسرح والسينما.