نيللي كريم تكشف تفاصيل شخصيتها في «ليه لأ 3»

15 يونيو 2023

القاهرة- عمرو يوسف

كشفت الفنانة نيللي كريم تفاصيل شخصيتها في مسلسل «ليه لأ» الموسم الثالث، مؤكدة أنها موجودة في كل بيت.

وأضافت في لقاء لها مع منصة شاهد: «بقدم شخصية شيري وهي أم لطفلين، وبنشوف إيه المشاكل اللي بتحصل للعائلة دي في فترة زمنية، وهي شخصية حقيقية وبنشوفها كتير وموجودة في وسط أصحابي وأصحاب أصحابي».

وأردفت: «غلط إن حد يضحي عشان حد.. كل واحد له خصوصياته وقراراته، كلمة ضحيت عشانك دي كبيرة أوي، وأنا مش شايفة إن حد يحتاج للتضحية عشان حد، من أجل إيه؟ هي تفضل موجودة في البيت ميكنش لها حياة أو كارير، وممكن الست تقول إنها ضحت من أجل عملها من أجل أولادها، وفي النهاية الأولاد بيكبروا وهي بتقعد في البيت، فمحدش قالك تضحي، فمفهوم التضحية ده له جوانب كثيرة جدًا».

واستطردت: «المفروض ابني لا ياخد من سعادتي ولا أنا آخد من راحة باله، لكن مفهوم التربية الشرقية عشان خاطر ابني ولما يكبر، وعشان ميفكرش وميعملش، دي فرضيات ميتبنيش عليها عائلة أو حياة سليمة».

مسلسل “ليه لأ” يتبنى معالجة القضايا الشائكة المتعلقة بالمرأة والمجتمع، حيث ناقش الجزء الأول قضية خوف الفتيات من الزواج والمعاناة من مضاعفات مرض فرط الحركة وقدمت بطولته النجمة أمينة خليل، بينما ناقش الجزء الثاني حق الفتيات في كفالة الأطفال بدون زواج وقدمت بطولته الفنانة منة شلبي.

ويناقش مسلسل ليه لأ 3 قضية الأمهات اللاتي يردن الزواج مرة أخرى بعد الانفصال عن الزوج الأول، وكيفية تقبل الأبناء والمجتمع لهذه العلاقة، وخاصة تأثر الأبناء الذكور وما يترتب على هذه العلاقة.

أبطال مسلسل ليه لأ 3

وسبق وأعلنت منصة شاهد عن أبطال الجزء الثالث من مسلسل ليه لأ، وهم: نيللي كريم وعايدة رياض وأحمد طارق ومعتز هشام وصلاح عبد الله، والعمل من تأليف مريم نعوم، ورشة سرد، ومن إخراج نادين خان.