ياسمين صبري ل زوجة عادل إمام: يا زين ما ربيتي

12 يوليو 2023

القاهرة – عمرو يوسف

أعربت الفنانة ياسمين صبري عن سعادتها بالتعاون مع الفنان محمد إمام، والمخرج رامي إمام في فيلم أبو نسب، كما وجهت رسالة وتحية خاصة للزعيم عادل إمام وزوجته السيدة هالة الشلقاني.

وقالت الفنانة ياسمين صبري، خلال لقائها ببرنامج Et بالعربي: بوجه تحية لـ محمد إمام 3 فيلم معاه، وبستمتع في العمل معاه جدًا، وإحنا فاهمين بعض، أستاذ رامي أول مرة اشتغل معاه، وتشرفت بالعمل معه، وهو مخرج حساس ودمه خفيف، وبيحس بالممثل وبتعبه وبطاريته لو قلت.

وتابعت الفنانة ياسمين صبري: عايز أوجه تحية غير متوقعة لوالدة محمد ورامي إمام الأستاذة هالة يا زين ما ربت، والأستاذ عادل إمام يا زين ما اختار، ومقابلتش الزعيم ولا مرة، لكن كلمته في التليفون مرة، وبتمنى له طول العمر، وأنا في اللوكيشن معاهم بحس إني وسط عيلتي، وهما جُمال ولطاف أوي، وخبرة ودمهم خفيف جدًا.