ويجز يشن هجوما على رامي صبري: احنا تجاوزناك بكثير

شنّ المطرب ويجز هجوما غير مسبوق على زميله رامي صبري، بعد تصريحات الأخيرة عن موسيقى الراب وأغاني المهرجانات.
“نص خبر” – عمرو يوسف
وقال ويجز فى فيديو عبر خاصية الاستوري بحسابه الرسمي على موقع إنستغرام: “هتكلم على فنان فاكر إنه عنده الصلاحية إنه يطلع يتكلم عن أى حد فى أى وقت والناس تسمع وتسكت.

أضاف ويجز: الفنان دا اسمه رامي والفنان دا كل ما بيقعد من ٤ لـ ٥ شهور يزهق ويطلع يتكلم على بتوع الراب فى التليفزيون”.
وتابع ويجز: “هتكلم امتي على بتوع البوب اللى أنت منهم واللى فى مجالك، انا شايف مبتفهمش فى الراب حاجة زى ما انت قولت قبل كدة ومش هتعرف تعمله.
وواصل ويجز: انت كدة مبتقدرش الفنانين وفاكر أن هما عايزين يوصلولك وهما اصلا معدينك بكتير انت رقم ١٩ يا رامي انت بعيد اوي”.
واختتم ويجز حديثه، معلقا: “جماعة استنوا أغنيتي الجديدة يوم ٢٧ ومش هقولكوا عبارة عن إيه أستاذ رامي بقي ممكن يقولنا ويشرحلنا الأغنية دي عبارة عن إيه دا لو فهم”.
وكان رامي صبري قد صرح سابقًا بأنه لا يستطيع فهم كلمات أغاني ويجز، لكنه أشار إلى أنه يعتبره فنانًا مجتهدًا وناجحًا، وأنه قد يوافق على التعاون معه في المستقبل إذا أتيحت الفرصة.
أضاف في تصريحات له خلال استضافته في برنامج “حبر سري” مع الإعلامية أسما إبراهيم، أنه لا يفضل غناء المهرجانات رغم اعترافه بشعبيتها بين الجمهور، قائلاً: “المهرجان مش بيتغنا.. حلو والناس بتحبه، بس مش هو اللون اللي ممكن أغنيه”.
وأضاف صبري أنه يعتبر الراب أقرب إلى ذائقته الموسيقية، مؤكدًا في الوقت ذاته أن المهرجانات تمثل موسيقى شعبية بلغة مختلفة عن تلك التي يستخدمها.