رامي جمال عن خلافات الفنانين: أنا عايز أعيش في سلام

انتقد المطرب رامي جمال، خلافات الفنانين المنتشرة مؤخرا، مشيرًا انه لا يُحب أن يكون رقمًا في الفن ولا يُحب المقارنات.
“نص خبر” – عمرو يوسف
وكتب رامي جمال، عبر ستوري حسابه بموقع انستغرام: أنا محبش أكون رقم في الفن أنا احب أكون رامي جمال، وأحب أكون علامة بعد ما أقرر أبطل أو أزهق أو عمري يخلص، ومبحبش المقارنات ولا عاوزها.

أضاف: وعايز كل الناس ناجحين، دي مش مثالية لكن ثقة إن رزقي هو رزقي سواء نجحتوا أو لا، مفيش حد بياخد حاجة من رزق حد».
وتابع رامي جمال قائلا: الفن رصيد وجايز مكونش وصلت لسه للي بحلم بيه، بس أشكر ربي على كل اللي وصلتله.
وقال: ولسه عشمان فيه أكثر ويشكر كل حد ساعدني بحب أو فن.. بشكر الصناع والشركات اللي اشتغلت معاه».
كما توجه باعتذار لكن من ضايقه بقصد أو بدون قصد، قائلا: من أي شخص أنا زعلته أو ضايقته بقصد أو غير قصد.
وواصل رسالته قائلا: أنا انسان وممكن أكون غلطت وبغلط المهم وربنا العالم إن قلبي مفيهوش غير حب للناس اللي قربية واللي وبعيدة».
وتابع: بتعرض كثير لإحباط بس دايما ثقتي في ربنا وحظي ورزقي في حب من اللي حواليا وستر كبير بيخلوني أرجع واتشحن طاقة تاني.
وأضاف: بحاول قد ما أقدر لي أجتهد وأجاهد نفسي إني أعمل سيرة حلوة عشان ده اللي باقي، بس المشكلة إن الفترة اللي إحنا عايشينها دي أما بتتكلم وحش عن حد کده بتبقی مادة إعلامیة دسمة، وده عمري ما هعملوا.

واختتم: أخيرا أنا بحبكم جدا أصحاب وأهل وجمهور.. وشكرا أنا عاوز أعيش في سلام وحب وكفاية الدنيا صعبة فسهلوها على بعض.