جوري بكر تنتقد ظاهرة تسول الجمهور من نجوم الفن على انستغرام

7 يونيو 2023

القاهرة-عمرو يوسف

كشفت الفنانة جوري بكر –الشهيرة بشخصية وداد من مسلسل جعفر العمدة- عن ظاهرة يتعرض لها نجوم الفن عبر حساباتهم على السوشيال ميديا، وهي “التسول”، وقالت إنها فوجئت بشاب يطلب منها مساعدة 3000 جنيه مصري رغم أنه يحمل هاتفا محمولا لا يقل ثمنه عن 25 ألف جنيه، كما طلبت منها متابعة على وشك الزواج “ثلاجة متطورة” قالت جوري أنها شخصيا لا تملك مثلها في منزلها.

جوري كشفت عن الجانب السلبي في التعامل بين الفنان وجمهوره على مواقع التواصل الاجتماعي، عبر رسالة كان هدفها الأصلي توضيح أسباب إغلاق خاصية التعليقات على منشوراتها وعدم الاهتمام بالرد على الرسائل الخاصة، وقالت: أولًا عشان الأسئلة الكثيرة اللي بتجيلي بخصوص أنا ليه قافلة الكومنتات على عدد معين لأن بجد الموضوع مخيف مش كل الناس اللي حوالينا محترمين.

وأضافت جوري بكر: مش كل الناس نضيفة وتعليقاتهم محترمة في مجموعة كدة حرفيًا من قاع الأرض مريضة وتعليقاتهم أنا مقدرش استحملها أو أشوفها واحترامًا لمن حولي بجد قفلتها على المقربين مني والناس المحترمة اللي متبعاني.

وتابعت جوري بكر: غير إني برضو بخاف جدًا افتح DM ساعات بيلفت نظري الناس الجميلة المحترمة اللي بتحب تهديني حاجات شغلهم مش تمام.

وأضافت جوري بكر: الشحاتة بقي اللي وصلت على الإنستجرام هل ده بجد اللي عايز مساعدة 3000 جنيه، وهو مصور نفسه ماسك تليفون بـ 25 ألف جنيه أو أكتر، واللي عايزة تجهز نفسها ونفسها في ثلاجة وأنا أصلًا مشتريتهاش بجد إزاي كده إيه كمية الاستفزاز والجرأة اللي عندكم دي انزل وانزلي اشتغلي اتعبوا وانجحوا وساعدوا نفسكم في غيرك نحت في الصخر، عشان يوصل ومحدش ساعدهم ولا ساعدني.

واختتمت جوري بكر: ياريت متغرموش أهلكم عشان حضرتك تشوري نفسك وأنت تمسك موبايل جديد اتعب واحصدوا تعبكم.