تامر عاشور عن أحمد سعد: بيغني أحسن من أي حد
26 أغسطس 2023
القاهرة – عمرو يوسف
وجه المطرب تامر عاشور رسالة إلى الفنان أحمد سعد مشيدًا بموهبته؛ إذ أكد أنه يغني أفضل من أي فنان آخر، مشيدا بأول تعاون بينهما بتقديم ديو في حفل ليلة الدموع الذي تصدر ترند الأكثر بحثا عبر مواقع التواصل الاجتماعي.
وكتب تامر عاشور عبر حسابه بموقع إنستغرام: أحمد سعد بيغني أحسن من أي حد وينافس ويُثابر ويبذل مجهود ويتحدى ويفرض نَفسه وذوقه وفنّه في كل مرة لحد ما يوصل للي عايزه ويرضيه ومش أي حاجة ترضي فنان بقدرات وفن الراجل ده.
وأضاف تامر عاشور: كل ده حصل وبجدارة وتفوق وبيحصل وهيحصل كتير، ولو اتكلمت عن أحمد سعد الجدع اللي يا ريت كل الناس تبقى عندها نيته وقلبه الأبيض اللي ميختلفش عليه اتنين وناس كتير معاشرينه وعارفين ده..كلامي مش هيوفّيه حقه.
وأختتم تامر قائلًا: أنا بحبك وبحترمك وبحترم مشوارك ونجاحك يا صديقي، فوق الوصف وافتخر بيك ربنا يزيدك ويبعد عنك كل شر.
ورد أحمد سعد على رسالة تامر عاشور قائلا: يالهوووو انا هعيط والله من الكلام الجميل ده، هحبك اكتر من كده ايه حرام عليك انا بقيت توب فان ربنا يكرمك اكتر واكتر يا حبيبي شكرا.
وشارك تامر عاشور وأحمد سعد في حفل ليلة الدموع، الذي أقيم في مدينة جدة بالمملكة العربية السعودية، ونظمته الهيئة العامة للترفيه برئاسة المستشار تركي آل الشيخ على مسرح بنش مارك، وشارك فيه مجموعة من الفنانين أيضًا منهم طارق الشيخ، حمادة هلال، هيثم شاكر، مسلم، وقدم الفنانين مجموعة من أغانيهم الحزينة التي بدؤوا بها مسيرتهم ليستعيد الجمهور العربي معهم نوستاليجيا موسيقى التسعينيات.