إيمي سمير غانم: دنيا “فنانة” أكثر مني وأطمئن للعمل مع حسن الرداد

16 أكتوبر 2023

القاهرة – عمرو يوسف

أكدت الفنانة إيمي سمير غانم، أنها تميل للاهتمام بحياتها الخاصة أكثر من الفن، على العكس من زوجها حسن الرداد وشقيقتها دنيا سمير غانم، ووصفت الأخيرة بأنها “فنانة” أكثر منها، وكشفت إيمي أنها ستعود لممارسة نشاطها الفني من جديد بعد فترة غياب تزيد على عامين، منذ رحيل والديها الفنان سمير غانم، والفنانة دلال عبد العزيز.

وقالت إيمي سمير غانم خلال استضافتها في برنامج “كلام نواعم” عبر شاشة MBC: أنا مبفهمش في حاجة تانية غير التمثيل، فضلت سنتين في حالة صمت بعد وفاة والدي، وبابا وماما كانوا بيحبوا إننا نحب نشتغل ودنيا بدأت الحمد لله، وأنا إن شاء الله هشتغل قريب.

وتحدثت إيمي سمير غانم عن تجربة التعاون مع زوجها حسن الرداد وشقيقتها دنيا سمير غانم، وأكدت أنها تفضل التمثيل معهما، وقالت إنها مختلفة تماما عن شخصيتهما وقالت: تشغلني الحياة الشخصية أكثر من الفن عكس حسن الرداد ودنيا، فهما فنانين أكثر مني.
وتابعت: أنا بحس أني بكون مبسوطة أكتر واحنا بنشتغل مع بعض وبحس بأمان أكتر وأنه بيساعدني فحلو إن إحنا نكون مع بعض بدل ما أروح البيت وأخد رأيه فهو معايا في التصوير».
واستطردت: فكرة إن أحنا مكناش بنتخانق وإننا عصافير، مش موجودة، عزمي وأشجان كله خناقات لكن مش داخل الشغل، خناقة في البيت، فبكون مضايقة وبايتة مع بابا وتاني يوم هقابل حسن، وبنمثل المشاهد ومبنكلمش وكانت مشاهد كبيرة، فمش لازم أبقى صديقة للشخص عشان أمثل، فأنا مهنية في الشغل».
وعلقت إيمي سمير غانم على مقارنتها هي وشقيقتها الفنانة دنيا سمير غانم بوالدهما الراحل سمير غانم في الكوميديا والتمثيل، بقولها: خدت من والدي ووالدتي حب الناس ودي ميزة.
وأضافت إيمي: عمري أنا ودنيا ما هنجيب ربعهم ومينفعش ومش صح يقارنونا.. ويقارنوا شباب دلوقتي بعادل إمام وفؤاد المهندس أوعبد الحليم حافظ أو إسماعيل ياسين، بس احنا بردو مينفعش نتحط في مقارنة.