محمد أنور بدلا من محمد سلام لبطولة مسرحية مي عز الدين “زواج اصطناعي”
26 أكتوبر 2023
القاهرة – عمرو يوسف
تعاقد نجم مسرح مصر محمد أنور رسميا على بطولة مسرحية زواج اصطناعي بدلا من الفنان محمد سلام الذي أعلن اعتذاره عن عدم تقديم دور البطولة أمام النجمة مي عز الدين بسبب تأثره بما يحدث لأطفال غزة، وعدم قدرته على تقديم عمل كوميدي استعراضي بينما أهل فلسطين يواجهون الموت يوميا.
محمد أنور سينضم سريعا لفريق عمل مسرحية “زواج اصطناعي” المقرر عرضها في افتتاح عروض النسخة الرابعة من موسم الرياض يوم 30 أكتوبر الجاري، ويشاركه البطولة الفنان بيومي فؤاد.
أحداث مسرحية زواج اصطناعي في إطار كوميدي اجتماعي، حول “شرق” و”فاروق” اللذين يتعرضان لأزمة ليلة زفافهما، ويضطران للجوء لخبير في العلاقات العاطفية، والذي يجري لهما تجربة حديثة، بواسطة الذكاء الاصطناعي، تجعلهما يعيدان التفكير في مشروع زواجهما بالكامل.
يذكر أن الفنان محمد سلام أعلن الاعتذار عن المشاركة في مسرحية زواج اصطناعي، مشيرًا إلى أنه لن يستطيع المشاركة بعمل كوميدي استعراضي، أثناء أحداث فلسطين الجارية، ووفاة المئات يوميًا.
عرض هذا المنشور على Instagram
ونشر محمد سلام مقطع فيديو عبر حسابه على انستغرام، لكشف أسباب اعتذاره في اللحظات الأخيرة وقال: كان المفروض أسافر الرياض عشان أعرض مسرحية زواج اصطناعي، والمفروض إنها مسرحية كوميدية وفيها أغاني واستعراضات والمفروض إننا هنعرض إن شاء الله يوم 30 وهنعرض في وسط الأحداث اللي بتحصل في غزة، مش متخيل إني هروح اعمل مسرحية واهزر واغني وارقص واخواتنا في فلسطين عمالين بيتقتلوا ويدبحوا ومفيش حاجة بتحصل، أنا مش هقدر اسافر طبعًا.
وأضاف محمد سلام: ليه بقول الكلام ده في آخر لحظة؟، أنا كنت على أمل طول الفترة اللي فاتت، إن الموسم يتلغي أو يتأجل زي ما حصل في مهرجان الجونة والقاهرة أو يحصل إن الموضوع يهدى في فلسطين في غزة، والناس تدخل، ونقدر نعرض، بس مفيش حاجة بتحصل، وتقريبًا فيه ناس عماله تموت لحد دلوقتي ومفيش حاجة بتحصل، فأنا ازاي هروح اعرض والناس بيحصلهم كده في فلسطين.
وواصل محمد سلام: سامحوني إذا كان إحساسي أوفر شوية، حاسس إني لو عملت كده، زي اللي بقتلهم بالظبط، إني خذلتهم، مش عارف اعملهم حاجة، كفاية علينا السكوت اللي احنا فيه كلنا، ومفيش حاجة بتحصلهم، مش بس هكون ساكت لا هكون بغني وارقص واللي بيحصل بيحصل في فلسطين، أنا بعتذر جدًا عن إني أشارك في موسم الرياض، والمشكلة إن دلوقتي اللي بيحصل في فلسطين ده، ديه قضية كل مسلم في المقام الأول، والمفروض الواجب على كل المسلمين إنهم يساعدوا إخوانهم في غزة ويحاولوا يقدمولهم أي مساعدة، فأنا دلوقتي مفيش حاجة أقدر اعملها زينا زي ناس كتير دلوقتي، نفسنا نساعد بس للأسف مش قادرين نعملهم حاجة.
وتابع: دلوقتي لما ربنا يتوفانا ونتسأل أنت ساعدت اخوك المسلم في فلسطين عملتله إيه؟ اللي مقدرش يعمل حاجة هيسكت طبعًا، أنا هرد هقول إيه؟ هقول إن في الوقت اللي كان فيه اخواتنا في فلسطين بيضربوا ويموتوا ويدبحوا الاطفال والنساء انا كنت بعمل مسرحية كوميدية وبضحك الناس وبرقص واغني، طبعًا لا مش هقدر اعمل كده، كان عندي أمل الموسم يتبدل أو يتلغي، لكن هو مازال قائم وماليش في إني اتدخل ليه هو قائم، مش هقدر أكون جزء في اللي بيحصل ومش هقدر أشارك في الموسم، والمفروض إننا منكتفيش بالدعاء لأخواتنا في فلسطين، معرفش إيه تاني يحصل، بس ميكونش الدعاء بس.