الأربعاء 24 مايو 2023
عمرو يوسف_ القاهرة
ليلة عصيبة مرت على الفنان تامر حسني، بعدما فشلت طليقته بسمة بوسيل في التحكم بمشاعرها ووجهت اتهامات قاسية لمنسقة أعماله هالة عمر في ليلة زفافها، واتهمتها صراحة بأنها سبب الطلاق و”خرابة البيوت” ما دفع البعض لاعتقاد أن علاقة عاطفية جمعت بين تامر وهالة، ولكن الحقيقة التي ينفرد بها “نص خبر” أن كلمة السر في الأزمة كلها فتاة تدعى يارا السكري.
الأزمة بدأت مع نشر عدة صور من الفقرة الأولى لحفل زفاف هالة عمر الذي أقيم مساء أمس الثلاثاء، وظهر تامر في مقاطع الفيديو المتداولة وكأنه “عريس”، لتنطلق شائعة زواجه من مديرة أعماله ومنسقة منصاته على السوشيال ميديا، وبعدها نشرت بسمة بوسيل عبر خاصية الستوري مقطع الفيديو لتامر وهالة وعلقت عليه قائلة: حسبي الله ونعم الوكيل فيك يا هالة.
ثم وضعت بسمة بوسيل منشورا آخر قالت فيه: احترام العشرة بيبتدي باحترام مشاعر غيرك.. بالذات لو حد كان سبب رئيسي في خراب بيتك وهدم حياة ولادك.
وسارع جمهور بسمة في تشويه سمعة هالة عمر أثناء حفل زفافها، ما دفع تامر للتدخل سريعا ونشر نفس مقطع الفيديو وعلق عليه عبر كل منصاته قائلا: لكل اللي بيسأل عن وجه القرابة بيني وبين العروسة الجميلة دي، شايف أسئلة كتير أنا هحكيلكوا، هي اسمها هاله عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت، ومن كتر دفاعها عني لفتت نظري ومرة رديت عليها شكرتها”.
لكل اللي بيسأل عن ايه وجه القرابه بيني و بين العروسه الجميله دي شايف اسأله كتير انا هحكيلكوا هي اسمها هاله عمر عرفتها كانت بنت من الفانز صغيره و من المقاتلين و المدافعين عن تامر على الانترنت و من كتر دفاعها عني لفتت نظري و مره رديت عليها شكرتها و لما سافرت اسكندريه في… pic.twitter.com/FjIdpJWny4
— Tamer Hosny (@tamerhosny) May 23, 2023
وأضاف: “لما سافرت إسكندرية في الوقت ده لقيت بنت صغيرة أوي بتعيط وبتجري عليا فا وقفتلها وفكرتني بنفسها وفضلت تعيط وتقولي احنا معاك ولازم تكمل، عشان كنت بتحارب جدًا في بداياتي فاتصدمت إن اللي بتقول كده بنت صغيره كده والمجهود ده كله اللي عاملاه بنت صغيره عندها 14 سنة. وقتها كانت السوشيال ميديا لسه بتطلع.. وكنا في شركتنا بندور على شركة كبيرة تمسكلي السوشيال ميديا، لحد ما قولتلهم أنا مش عايز شركة كبيرة أنا عايز البنت الصغيرة دي هي اللي تمسكها فضلوا يقنعوني أن كده مش صح ولازم أكتر حد خبره يمسكها، وأنا قولت لا لازم أكتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب”.
وتابع: ” فعرضت عليها تشتغل معايا وهي في السن ده مصدقتش طبعًا ومن ساعتها وهي اللي ماسكه كل شغل الميديا.. الطفلة الشاطرة اللي كبرت دلوقتي قدامكم هالة عمر، أما بقى عريسها العسل ده اسمه عمرو طلب إيديها مني أنا عشان والدها ووالدتها توفاهما الله. ومن اللحظه دي اتحولت هالة لبنتي الكبيرة بجد.. اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش أرد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله”.
يارا السكري ملكة جمال “الابتسامة”
والحقيقة أن بسمة لم تكن تقصد هالة عمر “كمعشوقة” لتامر، ولكن كوسيطة لحبيبته الجديدة “يارا السكري” ، التي ظهرت بالفعل في حفل الزفاف وهي مرتدية “جاكيت بدلة” تامر حسني، وأكدت مصادر مقربة من فريق عمل تامر لـ “نص خبر” أن بسمة تتهم هالة عمر بالتوسط بين تامر ويارا، ورعاية قصة حبهما، ولكن رفض المصدر نفسه تأكيد أنباء تتردد منذ الأمس حول زواج تامر ويارا عرفيا.