28 يونيو 2023
القاهرة- عمرو يوسف
كشف النجم الكوميدي بيومي فؤاد عن استعداده للاحتجاز داخل مركز متخصص لتخفيض الوزن، بعد إصابته بالتهاب في أعصاب القدم بسبب البدانة، ونفى بيومي تخطيطه للخضوع لجراحة تكميم المعدة، لافتا إلى أنه يفضل برامج التغذية الصحية، وقال أنه يرغب في العودة لوزنه عند تقديم شخصية الدكتور ربيع في الجزء الأول من مسلسل “الكبير أوي”.
بيومي فؤاد كشف طبيعة مرضه أثناء العرض الخاص لفيلم “مستر إكس” الذي أقيم مساء أمس الثلاثاء في إحدى دور العرض السينمائي بمدينة 6 أكتوبر، وكشف عن معاناته من التهاب الأعصاب، وقال في تصريحات صحفية: متشكر لسؤالكم بس اللي حصلي حاجة بسيطة أعصاب رجلي تعباني فمحتاج إن أنا أخس شوية، وبأمر الدكاترة رايح لمكان بيحجزوني عشان أقدر أخس، وأنا مش بقدر أقف كتير أكتر من ساعة لان أعصاب رجلي بتوجعني، وهوصل لـ وزني الطبيعي اللي كان فيه دكتور ربيع في مسلسل الكبير أوي.
وحول توقعاته لنجاح فيلم “مستر إكس” في ماراثون أفلام عيد الأضحى 2023 قال بيومي فؤاد: مستر أكس متمنيا نجاحه في السينمات، فقال: يارب مستر إكس يحقق نجاح كويس لأني فهمي تعب وأحمد السبكي تعب ومبخلش بحاجة، وده تاني فيلم للمخرج أحمدعبد الوهاب محقق نجاح كويس، وهو متعلم وشايف كويس فمتوقع له نجاح كويس، وللأسف إننا بقينا نحسب نجاح الفيلم من ايراداته لكن فيه كم أفلام محققتش فلوس لكن اما تتشاف هتبقى حلوة.
مستر إكس من بطولة أحمد فهمي، هنا الزاهد، محمد أسامة الشهير بـ أوس أوس، بيومي فؤاد، صبري فواز، محمد أنور، عمرو يوسف، مصطفى خاطر، ومن من تأليف أحمد عبد الوهاب وأمجد الشرقاوي، وتحت قيادة المخرج أحمد عبد الوهاب، وتدور أحداث العمل حول قصة حب بين رئيس إحدى العصابات، وبين محامية تضعها الظروف في طريقه، فيحاول جاهدا إبعادها عن كل المخاطر.