حسن شاكوش: اسمعوا كلام طليق (مراتي)!
19 يوليو 2023
القاهرة- عمرو يوسف
بعد توجيه اتهامات له تمس بسمعته على لسان طليقته ريم طارق، تحدث حسن شاكوش عن أزمته، مشيرًا إلى أنه كان يرفض الحديث طيلة الفترة الماضية ولكن ما سمعه في حقه لا يرضي أحدا، لافتًا في الوقت نفسه إلى أنه رفض الظهور في برامج تليفزيونية حتى لا يتحدث عن أزمته لأنه يرفض الحديث في حق أي فتاة أو سيدة، وقال إن كل ما كان يرغب في قوله سبق أن وتحدث عنه طليق زوجنه الأول.
وقال حسن شاكوش في فيديو عبر حسابه الخاص بموقع الفيس بوك: عارفين المشكلة اللي كانت بيني وبين الإنسانة اللي كانت مراتي وكنت ساكت جدًا والفترة اللي فاتت نزلت بوست على صفحتي، وقلت مستحيل أتكلم على واحدة كانت مراتي أو مش مراتي ولا عمري جبت سيرة بنت أو غلطت في حق بنت، وعارف يعني إيه المرأة المصرية وشرف المرأة المصرية، وزي ما الست ليها شرف وكرامة الراجل ليه شرف وكرامة.
وأضاف: وشغلنا معتمد على سمعتنا واتجاهي واتجاه شغلي للبنات وللمجتمع بتاعي واللي بيحبني وكل اللي بيسمعني ناس محترمة، وليهم كل التحية والتقدير وما ينفعش أجيب سيرة واحدة وحش، وده اللي اتربيت عليه واللي أهلي ربوني عليه لأني من منطقة شعبية وراجل صعيدي، وما اتكلمتش مش خوف ولا ضعف ولكن علشان الإنسانة دي كانت مراتي ما بينفعش اتكلم في حاجة تمسني أو تمسها لأني لو اتكلمت أو جبت سيرتها هتعود عليا علشان كنت في يوم من الأيام الراجل بتاعها وجوزها، وما ينفعش الراجل يجيب سيرة مراته ورغم أبشع الألفاظ اللي سمعتها، وأهلي اللي اتشتموا على السوشيال ميديا وكنت بقول لهم محدش يتكلم، وكنت طول الفترة اللي فاتت في ضغط عصبي وفي عز المشاكل ما اتكلمتش.
واستكمل: طلعت أوضح المعلومة وأني ليا حق الرد وأن زي ما الست المصرية عندها شرف وكرامة لازم نحترمها والراجل كمان عنده شرف وكرامة وبقول كفاية كده لازم لما تسمعوا من الطرفين وللأسف وصل بينا المرحلة أننا نتكلم في شرف الراجل وشرف الست واللي سمعته في حقي ما يرضيش ربنا.
وأضاف حسن شاكوش: أنا اتجوزت 55 يوم فقط، واللي كنت هطلع أقول له وأحكي فيه عن الأزمة طليقها طلع قاله فأنا هطلع أحكي في إيه تاني؟
وأردف شاكوش: اللي اتربيت عليه واللي أهلي ربوني عليه لإني من منطقة شعبية وراجل صعيدي وما اتكلمتش مش خوف ولا ضعف ولكن علشان الإنسانة دي كانت مراتي وما بينفعش أتكلم في حاجة تمسني أو تمسها لإني لو اتكلمت أو جبت سيرتها هتعود عليا علشان كنت في يوم من الأيام الراجل بتاعها وجوزها، وما ينفعش الراجل يجيب سيرة مراته ورغم أبشع الالفاظ اللي سمعتها وأهلي اللي اتشتموا على السوشيال ميديا لكني كنت بقول لهم محدش يتكلم وكنت طول الفترة اللي فاتت في ضغط عصبي وفي عز المشاكل ما اتكلمتش.