عائشة بن أحمد تمر بتجربة مؤلمة مع الأطباء البيطريين
29 يوليو 2023
القاهرة – عمرو يوسف
كشفت الفنانة عائشة بن أحمد عن تجربة مؤلمة لعلاج القطط طوال الأسابيع الثلاثة الماضية، وطلبت من جمهورها التحرى جيدا قبل الذهاب لعيادات الطب البيطري، لأن بعضها يقوم باستغلال مادي واضح.
وكتبت عائشة بن أحمد استوري عبر حسابها الرسمي بـ انستغرام منشورًا، معلقه فيه: لوسمحتوا حاولوا تسألوا كويس قبل ما تودوا كلابكم أو قططكم لأي عيادة.. أنا قططتي عيانة أوي وبيتعالجوا وبايتين من 3 أسابيع في عيادة.
وأضافت عائشة بن أحمد: 3 أسابيع وكل ما يقولوا لي أنهم خفوا أرجعهم البيت.. تاني يوم اكتشف أنهم لسه عيانين وفي كل مرة أرجعهم العيادة فيكتشفوا أن عندهم مرض جديد، لغاية من يومين قالوا لي تمام وأنهم خفوا وبعدين رجعوا في كلامهم وقالوا لي لا في واحد بس اللي خف والتاني لا، فقررت أغير العيادة عشان حسيت أن قططي مش بتتحسن، وأن في استغلال مادي ونية مش كويسة لما روحت لهم منهارة وعايزة اخذ القطط فجأة قالوا لي على فكرة هما الاتنين كويسين وكنا هنقولك تمام روحي بيهم الاتنين (سبحان الله)
واختتمت عائشة حديثها: ختهم وعملت لهم أشعة وتحاليل تانية لقيت أنهم تعبانين أوي شالوا لواحد فيهم القسطرة مع أنه لسه محتاجها فركبوا له في العيادة الثانية، وحدة تانية النهاردة، انتوا متخيلين هو اتعذب قد ايه لا بياكل لا بيشرب، والتانية حرارتها 41 وحالتها خطر وبرده ما بتاکلش وما بتشربش من 3 أسابيع وأنا عايشة الكابوس ده ما كنتش عايزة اكتب ولا أحكي، لحد بس لازم الناس تاخد بالها كويس أوي وتسأل كويس قبل ما تودي حيواناتها لأي عيادة.